Income tax ka naam sun kar pehle to kuch log aise ghabra jate hain jaise pata nahi ab kya hoga. Ye humari zimmedaari hai, kyunki income tax ka desh ki economy mein bohot bada yogdaan hai. Ab jab aapne incme tax return dene ka decision le lia hai to phr aap ye soch rahe honge ki ise kaise aur kahan bhadna hai. To aaj mai

Is post mein Mai Aapko bataunga ki kaise file karte hain income tax return.

Income Tax Kaise File Karein

Sabse pehle to mai aapko ye bata doon ki jinki income 5 lacs se jyada hai unko bhadna padta hai income tax. Lekin kuch circumstances mein. jaise agar FD mein invest kia ho to isse aane wala interest hi aapki income hogi aur aapko iska return bhadna hoga. Aur jitne bhi jobholders hain wo ye jaan lein ki bohot jald hi aapko ye return karna pad sakta hai. 16 july tak last date hai return file karne ke liye. Freshers ke liye ye ek nayi chij hogi. iske liye aap koi CA ya tax consultant ki help lekar file karte honge. Lekin ye jaan lein ki return file karna itna bhi mushkil nahi hai. Ab to aap ise bas online apply kar sakte hain. Financial(Assessment) year ke end mein ye return file karna padta hai.

Forms se juri jankari

•  Ye form un logon ke lye hai jinki income salary hai, pensions ya interests, ya jisne housing loan le rakha hai unhe bhi e form bhadna padta hai.

• Yadi aapki income rent, dividend ya capital gain se aata hai to aapko ye form bhadna hai. Yah form hum HUF ke liye bhi use jar sakte hain.

• Agar aap kisike business partner hain aur aapki income sirf yahi hai tab bhi aapko ye form bhadna hai.

•  Ye un small businessman ke liye bhi hai jinki yearly income 60 lacs se kam hai aur yadi kisi common professional insan jiski income 60 lacs yearly se kam ho unko bhi bhadna padta hai. Lekin agar aap is dayare mein hain to aapko auditing karane ki jarurat nahi hogi.

In Steps ko follow karke tax return file karein

step 1 :  Apna e-filling account banayein

income tax file kiaccount banane ke liye aap https://incometaxindiaefiling.gov.in is link par jayein. Page khulne ke baad register yourself par click karein. Uspe apna detais daal kar create account par lick kar dein. Jab aapka account ban jata hai to isme login karne ke liye aapko user id and password di jaegi. Aapka pan number aapki login ID hogi.

Step 2  : 26AS form download karein

Jab aap websiw ke home page par jaenge to aapko left side ke upper corner par ek quick menu de rakha hoga, usme se 26AS form download kar lein. Ye from aapka tax statement hai jisse aapke pan number se bataya jaega ki kitna amount dena hai.Iske through TDS, advance tax ya self assessment tax, etc bhi pata chalta hai. Isko open karne ke liye ek password manga jaega joki aapka date of birth hoga. Isme bank FD se kaate gaye TDS ki jankari bhi hoti hai.

step 3 : Income tax return form download karein

Page ke left side ke quick menu me download ITR link par click karke download kar lein.

step 4 : Income tax return form mein detail bhadein

Form ko bhadne mein aapko savdhani baratni hogi. Saari information sahi sahi bhadein. Aapki informations jaise ki name, PAN number, complete address, date of birth, email ID, mobile number , residential address,etc bhadna padta hai. Iske sath api complete income and profit details bhi bhadna padta hai. agar aapke employer dwara koi advance tax kata gaya hai to wo bhi batana padta hai. sabse important chij aapki bank details dena padta hai jisme account number, account type aur IFSC code bhi bhadna padta hai.

step 5 : Apni details ko valid karein 

Is process  mein aapko apni di gyi information ko validate karna hota hai. Uske liye aap saari details bhad kar validate par click kar dein. agar aapne koi coloumn blank chhodi hai to ye autmatic apko detect karke bhadne ke liye suggest karega.

step 6 : Apni  tax liability calculate karein 

details wali process ke baad aapko calculate tax wali link par click kar dein jisse ye aapki bakaya amount bata dega. Uske baad ye deposit karani hoti hai aur ise chalan return form mein dena hota hai.

step  7 : XML file generate karein

saari tax return ke baad aapko generate XML par click arna padta hai aur usse jo file generate hoti hai use apne compute mein save kar saktein hain.

step 8 : Income tax return submit karein

Tax return submit karne ke liye aap e-filling site par jakar upload return par click karein. uske baad ITR form par saari details bhad kar XML filr upload kar lein. Ye sab formalities ke ho jane ke baad aapka ITR-V file generate ho jata hai aur ye aapke email par bhej dia jata hai.

step 9 :  ITR-V file ko income tax departement mein bheje

Apne ITR-V form ka printout nikal lein. ispar blue pen se sign karke ise income tax department ke address par bhej dein. Ise aap speed post ya normal post ke dwara bhej sakte hain.

step 10 : ITR-V ki receipt check kar lein

jab income tax department ka aapki file mil jaegi to aapko email se information de dia jaega aur aapke moblie par bhi message kar dia jaega.  Isse aap confirm ho jenge ki aapka ITR-V pohonch gaya hai.

Ye the kuch easy steps jisse aap asani se intom tax return file kar sakte hain. Pehli baar har kaam mushkil lagta hai iska matlab ye nahi ki wo sach mein mushkil hota hai. Ab aap easily apna tax bhad sakte hain aur wo bhi kisi CA ya tax consultant ki madad se. Ye aapke liye bhi achha hoga yadi aap apna tax khud se bhadein. ghabrane ki koi jarurat nahi hai kyunki income tax bhadna ab shayad apke liye koi badi baat nahi hogi. agar phir bhi koi dikkat aa rahi hai to comment box mein apne apne questions daal sakte hain. ise share karna na bhulein.