Agar aapke paas khud ki email ID hai toa aapk dekhte honge ke uspe kai saari email aati hongi. Kuch email ka aap jawaab yaani reply bhi dena chahte honge. Yaha hum aapko batayenge ke Kisi email ka reply karne ka sahi aur asaan tarika kya hai. Kis tarah aap email ka reply kar sakte ho.
Kisi email ka reply karne ke liye neeche diye gaye Instructions ko follow kare.
- Aapke email acount ke website ko khole. Aur Inbox me jaaye.
- Inbox me aapki saari email aati hai. Jo bhi aapko email bhejta hai wo inbox me aati hai.
- Kuch kuch email jo Internet ko lagta hai ke kaamki email nahi hai, wo unko Spam waale folder me daal deta hai. Spam ka folder Inbox waale folder ke neeche hota hai.
- Ab aapko jis email ka reply karna hai. Inbox me se us email ko khole. Email ka jo subject line hoga, uspe click karne se email khul jayegi.
- Email padhne ke baad, uske neeche ek REPLY ka button hoga. Us reply ke button pe click kare.
- Wo kuch iss photo jaisa dikhega jo neeche hai.
- Reply pe click karne ke baad To me automatic uski email ID aa jati hai jisko aapko email bhejna hai, aur subject me bhi likha hua aa jaata hai.
- Aapko bus body ( jo khaali jagah neeche hogi) me type karna hai jo aap likha chahte hai. Jo email aaya hoga wo neeche likha hoga, aapko uske upar se sabse pehle se likhna chalu karna hai aur kuch neeche ka mitana nahi hai.
- Likhne ke baad aap SEND pe clik kar de. Email chala jayega. Agar aap dekhna chahte hai ke wo mail kaha hai Toa apne INBOX ke neeche waale folder me SENT naam se ek folder hoga. Uspe click karke aap apne duwara bheji gayi saari email check kar sakte hai.
Ab jab aap email ka reply karna jaan chuke hai, toa aapko ye bhi jaanna chahiye:
- Naya ek email bhejne ka sahi tarika janiye. (us link ke upar click kare)
- Facebook pe account banane ka sahi tarika jaane (us link ke upar click kare)
Agar aapko ye article padh kar achcha laga aur kuch achcha ya naya sikha aapne toa apne dosto ko bhi sikhaye. Aur unhe ye link share kare. Humari ye koshish rahegi ke aapko hum rozana kuch naya sikhaye.
Agar aapko humse kuch poochna hai toa comment me aap pooch sakte hai.
