Aksar hum kisi na kisi bahane se ya ladki ko impress kerke uska number to lelete hai. Lekin asli kahani shuru hoti hai uske bad. Kyu ki jab ladki ne apko number dea us waqt vo apko ache se nhi janti. Asli jaan pehchan shuru hoti hai phone pe baat kerne se.
Agar ap nhi jante ke ladki se kyse baat kre to ap niche dea gae link pe click ker ke iske bare me padh sakte hai:
Phone Pe Ladki Se Kyse Baat Kare
Jb humare pas kisi ladki ka number ajae to sabse zaroori cheez hai ke zaldbazi na kare. Kyuki impression banane me saal lag jate hai lekin khatam hone kelea aik pal kafi hota hai.
Jab pehli bar ladki se baat ker rhe ho to pehle se planning kerke rakhna chahea ki ap kya kya baat karoge.
- Aksar hum “hi” ya “Hello” se start kerte hai. Lekin agar ap kisi pick up line se start karoge to vo apse kafi zada impress hojaegi.
- Agar apko uska naam nhi pata to ap uska naam bhi puch sakte hai
- Kae bar ladkiya apna asli naam pehle hi call pe batane me hesitate kerte hai to ap usse vo naam puch sakte hai jisse ap use bula sake
- Iske bad sabse important sawal hota hai ki “Aj apka din kysa gaya”
- Ladkiyo ko acha lagta hai jab unhe lage ki ap unka khyal rakh rahe ho.
- Koshish kejea ki ap unse “Aap” kerke baat kare
- Starting se hi payar mohabbat ki baat na kare
- Pehle aik acha dost banne ki koshish kare
- Jab ap unse aik sahi sawal kerte ho to vo apse khul ker baat ker pati hai.
- Aur jyse hi vo apse khul ker baat karegi ap utna hi uska trust jeet sakte hai
Phone Pe Ladki Se Daily Kya Baate Kare
- Ap usse uske bachpan ki baate ker sakte ho, jyse ki vo bachpan me kysi thi, ya kysi dikhti thi
- Sabse zaroori baat ye hai ki jab ap unse baat kare to bich me uska mood dekh ker flirt zaroor kare
- Jab phone katne ke bad vo akele me baithe gi to apse ki gae har baat ko recall karegi aur yakeen manea jo apne flirt kea hoga to uske bare me bhi soch ker khush hogi aur muskuraegi
- Lekin dhayan rakhe ki flirt bas itna kare ki vo aik limit me rahe jyse ap unke baalo ki ya honto ki tareef ker sakte hai
- Ap unke aankho ki ya awaz ki bhi tareef ker sakte hai.
- Unke kisi bhi private parts pe kbhi bhi comment na kare
- Unki sehat ya unki dily problems ke bare me zaroor se baat kare
- Unse unke sapno ke bare me baat kare. Vo kya kerna chahti hai ya kya banna chahti hai
- Ap apni life ke vo secret bhi bata sakte ho jo kisi ko nhi bataya , taki uska confidance jeet sako
- Aisa kerne per unhe bhut special feel hoga.
Phone Pe Ladki Se Kya Baat Na Kare
Ab jo mai apko batane jarha hu vo zara dhyan se suniye. Kyuki hum ye to jante hai ki ladkiyo ko kya sunna acha lagta hai lekin unhe kya nhi pasand hai ye janna bhi bhut zaroori hai.
Kae baat hume lagta hai ki hum unke bhut kareeb agae hai aur jaldbazi me ap kuch aisa keh jate hai jiski vajah se vo apse baat kerna band ker deti hai
Aur waqt ke sath sath apse duuri badhti jati hai. Islea apko dhyan rakhna hai ki baat kerte samae ap unse kis tarah ki baate na kare
- “Tum” ya “Tu” ker ke kabhi baat na kare
- Bar bar aik jyse sawal na kare jisse use irritation ho. Jyse ki “Aur Batao”, “khana khaya” “Kya ker rahe ho”
- Kabhi bhi unke private parts pe comment na kare
- Flirt kerte samai bhi dhyan rakhe ki ap apni limit me hi rahe
- Unse unke past ki baate na puche khas ker uske BF ke bare me
- Starting mehi romantic hone ki koshish na kare. Flirt tak sahi hai
- Use kabhi jatae nhi ke ap unke lea ye ye ker rahe ho. Agar apne kuch kea bhi hai aur use khi aur se pata chalega to pyar aur zada badh jaega
- Milne ki jaldbazi na kare. Aksar hum aik do bar baat kerne ke bad ki milne ke sapne dekhne lagte hai. Lekin ladki apse tabhi milna chahegi jab vo ap per yakeen ker sake
- Video call ya bar bar uski picture mange ki zid na kare.
- Ap agr apni secret share ker rhe ho to ye dhyan rakhna ki vo koe aisa secret na ho jisse apka image galat dikhe use ya phir aage chal ker vhi apke lea rukavat ban jae.
Abhi tak humne jana ki Phone pe ladki kaise patae, ladki se kyse baat kare aur ladki se kya baat kare . Lekin sabse improtant hoti hai timing. Agar unka mood kharab ho aur apne call ker dea aur apko zara si bhi bhanak lag gae ki unka mood kharab hai , to pehle to koshish kare ki unse is bare me baat kerne ki koshish kare.
Lekin agar apko lage ki is bare me baat ker ke vo irritate horahi hai to badme baat kerne ka bolker unhe akela chor dejea.
Ladki se phone pe baat kerna bhut asan hai bas ap uper di gae cheezo ko dhayan me rakhe. Ummed kerta hu apko ye article bhi pasand aaya hoga.
